Federasyona Futbolê ya Komara Îslamî bi weşandina daxuyaniyekê, betalkirina bilêtên wê federasyonê di Camê Cîhanê ya 2026'an de şermezar kir. Li gorî rêzbendiya FIFAyê, %8 ji bilêtên her leyîzekê ji bo welatên beşdar tê veqetandin, lê ev rêje ku ji bo leyîzên Îranê yên li hemberî Niyozland, Bêljîk û Misirê hatibû derxistin, bi tevahî hatiye hilweşandin.

Federasyona Futbolê ev pêngav weke li dijî prensîba wekhevî û ruhê werzişê da zanîn û tekez kir ku bêparhiştina alîgirên Îranî, gumanên destwerdana nêrî zêde dike.

Bêparkirina handerên Îranî bi avayekî yasayî, di dema 2 roj beriya destpêkirina Camê Cîhanê de bê gelek bandora ruhî danaye ser tîma futbola Îranê. Federasyona Futbolê bi kêşeyeke mezin a derxistina vîzeyê û qedexeya ketina nava xaka Amerîkayê re rûbûrû ye. Daxwaza vîzeya 15 kesan ji lîsteya şandî ya Federasyona Futbolê hatiye redkirin, lîsteyek ku navên rêveberên payebend ên wekî Mehdî Tac, Serokê Federasyonê, Mehdî Mihemednebî, Rêveberê Tîma Neteweyî, û Hidayet Membînî, Sekreterê Giştî yê Federasyonê di nav wan de berçav dikeve.