Di berdewamîya êrîşên dijminane yên rejîma Îranê li ser Herêma Kurdistanê û binkeyên Partiyên Rojhilatê Kurdistanê de, 8 Pêşmergeyên Partiya Azadiya Kurdistanê birîndar bûn.

Partiya Azadiya Kurdistanê ragihand ku roja Yekşemî 28ê Pûşperê, baregeheke vê hizbê li Çemşar, nêzî Dareşekranê, bû armanca dronên bombrêjkirî yên rejîma Îranê û di encama vê êrîşê de 8 pêşmerge birîndar bûn.

Di şeva derbasbûyî û sibê zû ya îro de, rejîma Komara Îslamî bi çendîn moşek û dronan êrîş kire ser Herêma Kurdistanê, û li gorî raporan, ev êrîş ji aliyê sîstema bergiriya esmanî ya hevpeymanan ve hatin têkşikandin.

Herwisa, roja Şemî 26ê Pûşperê, baregehên Komelaya Şoreşgêr a Zehmetkêşên Kurdistana Îranê li derdora Zirgûzelê ketine ber êrîşeke giran a moşekên rejîma Îranê û di encama wê êrîşê de, bi mixabinî ve 9 pêşmergeyên Kurdistanê şehîd bûn.