Yekemîn Kongreya Federasyona Nivîskarên Kurdistanê a Diasporayê li welatê Alman hat birêvebirin. Vê kongreyê li beşa dawî ya karên xwe de spasnameya Federasyona Nivîskarên Kurdistanê pêşkêşî mamoste Ebdulla Hesencontent, siyasetmedar û nivîskarê mezin ê kurd û Hizba Dêmokrat kir.
Roja 3 ê Gelawêjê Kongreya Federasyona Nivîskarên Kurdistanê li Diasporayê li welatê Alman, bi beşdariya zêdetir ji 200 mêvan û endaman, ku di nav wan de heyetek ji Komîteya Hizba Dêmokrat a Kurdistana Îranê li Almanyayê hebû, hat birêvebirin.
Ev kongre ku wek "Kongreya Hejar Mukriyanî" hatibû binavkirin, li merasîma destpêkirina de Şîfa Barzanî, berpirsê giştî yê Rewenda Kurdistanî, nûnerên Serokê Herêma Kurdistanê, Wezareta Roşenbîrî ya Hikûmeta Herêma Kurdistanê û Konfederasyona Rewenda Kurdî gotar pêşkêş kirin. Herwisa Yekîtiya Nivîskarên Alman, Yekîtiya Nivîskarên Kurd û Navenda PENa Kurdî peyam ji bo vê kongreyê re şandibûn ku peyamên hatin xwendin. Her di vê merasîmê de çend belgefîlm li ser dîroka wêje ya Kurdî bi Soranî û Kirmancî û têkoşîna Federasyona Nivîskarên Kurdistanê hatin nîşandan.
Di beşeke taybet a merasîma birêveçûna kongreyê de, du nivîskarên navdar ên kurd, Mamoste Ebdullah Hesenzade û Celîlê Celîl, bi sedema temenek xizmeta ji bo wêje û pêşxistina çanda kurdî hatin xelatkirin û spasnameya Yekemîn Kongreya Federasyona Nivîskarên Kurdistanê pêşkêşî wan hate kirin.
Ji ber ku Mamoste Hesenzade ku nekarîbû beşdarî vê kongreyê bibe, Dr. Qadir Wiriya xelata wî wergirt û hewdem peyama pîrozbahî û spasdariya Mamoste Hesenzade ji bo vê kongreyê xwend.
