Komek ji pisporên serbixwe yên mafên mirovan yên Neteweyên Yekbûyî, cezayên darvekirinê yên hatine sepandin li ser 12 ciwanên Îranî ku pêwendîdarin bi xwepêşandanên Befranbara 1404 an,şermezar kirin û ji Komara Îslamî ya Îranê xwestin ku demudest wan cezayan bisekinîne.

“Mai Sato” Raportera Taybet ya Neteweyên Yekbûyî ji bo rewşa mafên mirovan li Îranê, digel çend raporter û pisporên din yên navneteweyî, daxuyaniyek hevpar belav kir.

Di daxuyaniyê de hatiye ku dadgehîkirina van 12 kesan bi awayekî komî û veşartî, li dijî pêwerên dadgehîkirina dadperwerane ye. Herwisa belavkirina îtîrafên bi zorê li televîzyona rejîmê de û girtinên xweserane bûne sedema nîgeraniyek micid.

Li gorî gotina wan pisporan, piştî darvekirina du kes ji tohmetbaran, 10 kesên din jî di bin metirsiya cîbicîkirina lezgîn a cezaya darvekirinê de ne.

Pisporan diyar kir ku ji destpêka sala 2026-an ve heta niha, herî kêm 24 kes bi tohmeta beşdarî li xwepêşandanên Befranbarê de, hatine darvekirin.

Li gorî vê daxuyaniyê, Komara Îslamî cezaya darvekirinê wek amûrek ji bo tirsandina civakê û tepeserkirina dijberan bi kar tîne.