Roja Şemiyî, 31ê Gelawêja 1405, li bajarê “Coventry” yê Brîtanyayê, bi beşdariya hejmareke berçav ji kesayetiyên siyasî, nûnerên partî û rêxistinên Kurdistanî, endam û alîgirên Hizba Demokrat a Kurdistana Îranê, rêûresimek mezin ji bo 81 saliya damezrandina Hizbê hat lidarxistin.

Rêûresim bi sirûda netewiya “Ey Reqîb” û xulekek bêdengî  ji bo rêzgirtin ji şehîdên Kurdistanê dest pê kir. Piştî helbest û nivîsên edebî yên pêşkêşkarên rêûresimê, Xalid Azîzî, berdevkê Hizbê, gotarek li ser 25ê Gelawêjê û dîroka damezrandina Hizbê pêşkêş kir.

Azîzî di axavtina xwe de li ser rewayetiya têkoşîna neteweyî ya Kurd li Rojhilatê Kurdistanê li bin alaya PDKÎ û piştre amaje bi derfetên heyî ji bo pêşeroja vê têkoşînê  bi taybetî di şert û mercên niha de û ku piştî wan şer û aloziyane çêbûne. Herwisa navbirî li ser girîngiya dîtina xalek hevbeş di navbera neteweyên cuda yên Îranê de ku maf û daxwazên gelan garantî bike tekezî kir.

 Piştre bersiva pirsên beşdarbûyan ji aliyê rêzdar Xalid Ezîzî ve hat dan.

Di beşeke din de Kawa Muderisî, berpirsê Komîteya Hizbê li Brîtanyayê, bi xêrhatina amadebûyam hate kirin. Herwisa dêkiyumêntek li ser 81 saliya damezrandina Hizbê hate nîşandan.

Rêûresim bi stranên şoreşgerî yên hunermend Arman Saîdpana û Omîd Tawûsî berdewam kir.

Nûnerên gelek partî û aliyên Kurdistanî jî peyamên xwe ji bo vê boneyê xwandin.

Ji akiyek din kak Seid, nûnerê Hizba Demokrat a Kurdistanê, gotarek li ser vê roja dîrokî pêşkêş kir.

Herwisa ev aliyên ku beşdar bûn û peyam hebûn wiha ne Komela Zehmetkêşên Kurdistanê

 Partiya Jiyana Azadiya Kurdistanê

 Partiya Azadiya Kurdistanê

Komela Şoreşger a Zehmetkêşên Kurdistanê

 Partiya Demokrat a Kurdistanê

 Yekîtiya Niştimanî ya Kurdistanê û Komela Kurdên Rojavayê Kurdistanê li Birminghamê .