Scott Bessent, Wezîrê Xezînedariya Amerîka pakêta nû ya cezayan bi dijî rejîma Îranê ku wekî «Roja D (D-Day) ya Aborî» tê binavkirin, eşkere kir.

Armanc birîna şah-demarên dawî yên darayî û bazirganî yên Tehranê ye.

Wezîrê Xezînedariya Amerîkayê ragihand ku armanca sereke ya Waşîngtonê, astengkirina temamî ya platforma bazirganî û diravî ya rejîma Îranê ye, heta wê dema ku Tehran di civaka navneteweyî de bi temamî bi tenê bimîne û neçar bibe peymana dawî ya ji bo bidawîanîna pevçûnan bipêjirîne.

Xalên herî giring ên vê pakêca cezayan ev in:

Firehbûna hemîalî ya cezayên duyemîn: Ev gav wekî «hişyariya dawî» ye ji bo hemû welat, bank û kompaniyên cîhanê ku tavilê peywendiyên xwe bi Tehranê re bibirin.

Wezareta Xezînedariyê hişyarî da ku her welat danûstandinên darayî yên bi Îranê re bidomîne an ji bo wê şah-demara aborî peyda bike, dê bi temamî ji pergala darayî ya navneteweyî ya li ser bingeha dolar hatî avakirin bête derxistin û tecrîdkirin.

Ev kampanyayên ku bazirganiyê bi Îranê re dikin, dike armanc, da ku rê li ber dahatên dawî yên diravî û neftî yên Tehranê bête girtin.

Bessent tekez kir ku tecrîda darayî ya tund dê hewcedariya bi êrişên leşkerî yên rasterast ên zêdetir ji holê rake.

Bessent tekez kir ku bijadeya serbazî bi dijî rêjîmê her li ser masê ye.