Ji bo malbata birêz Mehdî Zana!

Bi xemgînî ve me nûçeya koça dawiyê ya siyasetvan, nivîskar û şaredarê berê yê Amedê birêz Mehdî Zana bihîst. Li ser navê rêzdar Mustefa Hicrî, Serkreterê giştî yê PDKÎ û hemû rêberiya Hizba Demokrat a Kurdistana Îranê ve sersaxiyê ji birêz Leyla Zana a hevjîna mamosta û hemû malbata hêja û gelê kurd dikin û hêviya sebr û aramiyê dixwazin.

Birêz Mehdî Zana hemû temenê xwe di rêya têkoşîna bo maf û xizmeta gelê xwe de derbas kir, çi bi xizmeta xwe ya li şaredariya Amedê, çi bi nivîs û pirtûkên xwe ku ronahî dida dîrokê, û çi jî li zîndanan ku bibû dengê berxwedanê û serî li ber zulm û zordariyê netewand.

Koça dawiyê ya rêzdar Zana ji bo hemû gelê kurd û bi taybet tevgera siyasî û çandî xesareke mezin û bêveger e, lê mamosta Zana bi tekoşîna birûmet û serbilndane ya xwe dê hertim di dil û bîra gelê me de zindî bimîne.

Em dubare sersaxiyê ji we malbata hêja, ji rêhevalên têkoşînê û ji hemû gelê kurd dikin û dibêjin bila ruha mamosta şad û cihê wî bihuşt be.

Bi rêz û hurmet ve

Hizba Demokrat a Kurdistana Îranê

Navenda Pêywendiyên PDKÎ

Mihemednezîf Qadirî

30ê Tebaxa 2026 an