Arteşas Îsraîlê ragihand ku balafirên şer ên wî welatî bîna û avahiyên Hemasê li Xezê, bombebaran kirine.
Roja yekşemî 22ê Tebaxê, bi 100an Filistînî li sînorê navbera Xezê û Îsraîlê de kom bibûn û dest bi xwenîşanadanê kirine û Arteşa Îsraîlê ragihandiye ku beşek ji wan xwenîşanderan hewl dane ku ji dîwarê sînorî derbas bibin û hinke ji wan jî madeyên teqînê avêtine hêzên Îsraîlê û hêzên Îsaîlê jî bersiva wan daye.
Di wê xwenîşandanê de efsereke Îsraîlî û 2 Filistînî bi dijwarî birîndar bûne ku rewşa tendirustiya wan nebaş e û herwisa 41 xwenîşanderên din ên Filistînî jî birîndar bûne ku hêzên Îsraîlê pê û lingên wan birîndar kirine.
Ew şer û pevçûn di berdewamiya xwenîşandanên Filistîniyan de qewimiye ku Hemas û girûpên din ên milîs wan rêkxistin dikin.
Arteşa Îsraîlê ragihandiye ku bombebarana bîna û avahiyên hemasê li berteka xwenîşandana Filistîniyan û birîndarbûna efsereke Îsraîlê bi gulleyên Filîstîniyan encam dane.
Heta niha ji xisarên canî û maliyên wê êrîşa esmaniya balafirên şer ti amar an zaniyariyek belav nebûne.
Arteşa Îsraîlê ragihandiye ku bo hemberderketin li dijî kiryarên Hemasê, hêzeke zêdetir li sînoran de cihgîr kiriye.
