Polîsê bajarê “Viyen” li welatê “Otrîş”ê ragihandiye, ku bandeke Îranî ya belavkirina mada hişber a Tiryakê li wî bajarî de peyda kiriye .
Pêka gotina Polîsê bajarê Viyenê, wê banda Îranî ya firotin û belavkirina madên hişber, pîtzafroşiyek li bajarê Viyenê wekî navenda firotin û belavkirina Tiryakê bikar aniye û beşek ji wan madên hişber li kartonên pîtzayan de cih kirine û bi vî awayî di nav xelkê de belav kirine.
Polîsê Viyenê 6 meh berî niha belgeyek ji hebûna wê banda Îranî bi dest anîbû û piştre ew banda madên hişber bi tevahî hate eşkerekirin.
Polîsê Viyenê ragihandiye, 6 kesên wê banda Îranî temenê wan di navbera 28 heta 44 salan e de bûye û hatine binçavkirin.
Pêka gotina Polîsê Viyenê wê banda Îranî, Tiryak ji Tirkiyê ve, bi rêya kamiyonan bo Otrîşê vediguhastine û li wir jî difrotin an bo welatê Almaniyayê dişandin.
