Wê carê teqîna boriya gaza bigivaş li bajarê Îlama Rojhilatê Kurdistanê bû sedemê agirpêkevtinek mezin.

Roja Înê 11ê Hezîranê boriya gaza bigivaş li çarrêya Mader li bajarê Îlamê teqiya û bû sedemê agirpêkevtinek mezin.

Herçiqas berpirsên rejîmê di wî bajarî de ragihandine ku ew bûyera bi sedema agirgirtina pûş û pelaşê derdorê boriya gazê bûye, lê xelkê wê taxa bajarê Îlamê dibêjin ew cihê ku borî teqiya ye û agir girtiye, hatibû kolandin û borî di bin erdê de nehatibû veşartin, lewma xelkê jêve ye ku ev agir bi zanebûn û bi armanca teqandina boriya gazê hatibe berdanê.

Gorî zaniyariyan piştî çendîn demjimêran agir hatiye kontrolkirin û ti xisareke canî bi du xwe ve neaniye.

Agirpêkevtin û teqînên cihê şik û gumanê li her derê Îranê berdewam in û rejîm hewil dike ku wan bûyeran bi asayî bide zanîn.

Heta niha Îsraîlê berpirsayetiya encamdana çendîn bûyerên teqîn û agirpêketinên di Îranê de kêşandiye stuyê xwe. Yan zaf ji wan bûyeran û agirpêketinane ji aliyê Spaha Pastaran ve bona xapandina hizra xelkê têne encamdan.