Kurdistanmedia: Xelkê têkoşer ê Kurdistanê di bereberê hatina roja Pêşmergê Kurdistanê, li bajar û gundên Kurdistanê de çalakiyên tebilîxî bi rê ve dibin.

Li gor rapora ku gehiştî malpera “Kurdistanmedia”yê, endam û alîgirên Hizba Demokrat a Kurdistana Îranê, bi boneya hatina roja Pêşmergê Kurdistanê, çalakiyên teblîxî bi rê ve dibin û tirakt û posterê taybet bi vê rojê belav dikin.

Endam û alîgirên Hizba Demokrat a Kurdistana Îranê, li devera “Peswê” a ser bi bajarê Pîranşehrê bi nivisîna diruşm û belavkirina wêne û tirakt rêz ji xeba û têkoşana Hêza Pêşmergê Kurdistanê girtin.

Xortên Demokrat, li bingeha erteşa rejîma Îranê, li deverê “Peswê” çalakî bi rê ve birin.

Di wan çalakiyane de diruşmên wekî: Roja Pêşmergê Kurdistanê li xelkê Kurd pîroz be, Rasana xortên Hizba Demokrat a Kurdistana Îranê berdewam e, 26-ê Sermawez roja Pêşmergê Kurdistanê li gelê Kurd pîroz be, û xebata Qasimlo hêmaya xebata çiya û bajar e, wefadariya xwe bi rêbaza Hizba Demokrat nû kirin.