Kurdistanmedia: Bi sedema êrîşa Tirkiyê li ser Rojavayê Kurdistanê nêzî 14 hezar kes xelkê Rojavayê Kurdistanê, avareyê herêm Kurdistanê bûn.

Pêka nûçeyên navxweyî yên herêma Kurdistanê, li destpêka êrîşa Tirkiyê li ser Rojavayê Kurdistanê, nêzî 14 hezar kesên sivîl avareyê herêma Kurdistanê bûne.

Navenda Amar û Hevahengiya karûbarê Qeyran li herêma Kurdistanê daye zanî, li destpêka şer di Rojavayê Kurdistanê de heya niha nêzî 14 hezar û 343 kes xelkê Rojavayê Kurdistanê avareyê herêma Kurdistanê bûne.

Herêma Kurdistanê, di sala 2014`an de, ji bo 2 milyon penaberên şerê DAÎŞê çendîn kemp ava kirin, û niha ew kempene bûne cihê avareyên Rojavayê Kurdistanê.

Berê jî, 290 hezar kes ji Kurdên Rojavayê kurdistanê, di destpêka şerê navxweyî yê Sûriyê de tevî herêma Kurdistanê bibûn.

Tê texmîn kirin ku, bi sedema êrîşa Tirkiyê û girûpên girêdayî wî welatî bo ser Rojavayê Kurdistanê, dîsan xelkekî zêde avareyê herêma Kurdistanê bibin.

Li encama êrîşên Tirkiyê li ser Rojavayê Kurdistanê, li gor Rêveberiya Xweser zêdetir ji 250 kesên sivîl canê xwe ji dest dane û bi sedan kes jî birîndar bûne û herwisa 300 hezar kes ji xelkê navçeyê ji mal û cihên xwe koçber bûne.