Pêka nûçeyên belavbûyî, welatê Çînê gaza “LPG” ya Îranê 100 Dolar kêmtir ji nirxa gaza Erebistanê dikire.

Nirxa tonek gaza LPG ya Erebistanê nêzî 710 heta 740 Dolar e; Eva jî di halekê de ye ku welatê Çînê gaza Îranê 100 Dolar kêmtir ji gaza Erebistanê dikire.

Çîn mezintirîn bikirê gaz û nefta Îranê ye; Berê jî hatibû zanîn ku Çîn nefta Îranê 5 Dolaran erzan ji ya bazarê dikire.

Welatê Çînê di sala 2019an de nêzî 4.94 milyon ton gaza Îranê kirîbû û di sala 2020an de ev yeka dakete 3.85 milyon ton û ew hejmare di çend mehên destpêka sala 2021an de giha bi 2 milyon. Amara giştî ya sala 2021an ya şandina neft û gaza Îranê bo welatê Çînê hêj nehatiye belavkirin.

Eva jî di halekê de ye ku bi sedema dorpêçên aborî yên li ser Îranê, ew rejîme bi dizî ve neft û gaza Îranê bi kêmtirîn nirx difiroşe welatê Çînê.