Endamekî kevnar û alîkarê Hêza Pêşmergê Kurdistanê, li Urmiyê koça dawî kir.
Roja 5`ê Nîsana 2021`an, endamekî dêrîn ê PDKÎ yê bi navê Gemîçî Kûhî, ku bi navê “Gemo” dihate naskirin, kurê Ehmed û xelkê gundê Kerîkan ê ser bi devera Şipîran a girêdayê bajarê Selmasê, bi sedema nesaxiyê li yek ji nexweşxanên bajarê Urmiyê de koça dawiyê kir.
Gemîçî, dost û alîkarekî dilsoz ê PDKÎ û bi taybetî yê hêz û pêşmergên herêma Selmasê bû.
Xwedîjêrazî kesayetiyekî naskirî û cihê hitbara hemû xelkê devera Şipîran û Selmasê bû.
Partiya Demokrat a Kurdistana Îranê, sersaxiyê dibêje malbat, xizm û kesûkarên Xwedîjêrazî û hemî xelkê herêma Şipîranê û xwe şerîkê xem û nerehetiya wan dizane.
