Kurdistanmedia: Xelkê Kurdistana Rojhilat bi armanca eşkerekirina kerb û kîn û bêzariya xwe ji rejîma terorîstî ya Îranê dest daye girevê.

Li gora nûçeya gihîştî malpera “Kurdistanmedia”yê xelkê têkoşerê Kurdistana Rojhilat, îro Çarşemiyê rêkewt 21`ê Xermananê bona bêzarî eşkerekirina li dijî rejîma Îranê ya terorîst, û mehkûmkirina êrîşa li ser binke û baregehên Hizba Demokrat û herweha îdama girtiyên siyasî ên Kurd, dest dane girevê.   

Xelkê qehreman ê Kurdistanê piştî êrîşa mûşekî ya rejîma Îranê û îdama girtiyên siyasî ên Kurd li roja 17`ê Xermananê, biryar dan ku îro çarşemiyê bi armanca mehkûmkirina vê kiryara terorîstî ya rejîma Îranê deriyê dukan û bazaran dabixin, û kolanan vala bikin.

Navenda Hevkariya Hizbên Kurdistana Îranê çend roj berî niha di daxuyaniyekê de daxwaz ji xelkê Kurdistanê kiribû ku bona mehkûmkirina vê kiryara terorîstî ya rejîma Îranê girevê bigrin, û “Na” bêjne rejîma terorîstî ya Îranê.

 Hevdem îro li pêşberî ofîsa UN`ê li Herêma Kurdistanê meşek bi beşdariya kurdên her çar beşên Kurdistanê bi rê ve diçe.