Hêzên girêdayê rejîma Îranê, di Îraqê de êrîş kirine ser karvaneke hêzên hevpeymanan ku ew êrîş bi awayê danîna bombê bûye.

Roja Dûşemî, 4ê kanûna Paşîn, televîzyona “Elşerqiye” a Îraqê ragihand ku karvaneke alavên hevpeymanan bi fermandehiya Amerîka li devera “El-Decîl” a girêdayê parêzgeha “Selahedîn” rastî teqîna bomba li ser rê hatine. Ji hebûn an nebûna xisarên canî û malî ti zaniyariyek berdest nîne.

Girûpa “Qasim el-Cebbarîn” ew êrîşe kêşaye stuyê xwe, ew girûpa nû a terorîstî digel “Ketaîb Hizbullah, Esaîb Ehlê El-Heq û hêzên Ebulfezlêl Ebbas”, girûpên girêdayê û ser bi rejîma Îranê ne û bi berdewamî êrîş li ser berjewendiyên Amerîkayê dikin.

Rejîma Îranê ku rasterast cur`et û şiyana rûbirûbûn digel serbazên Amerîkayê nîne, bi rêya wan girûpan re hewlê dide ku bi wî awayî givaşê li ser hêzên hevpeymanan bi fermandehiya Amerîkayê bîne.

Hewcehî û daxwazên wan hêzên girêdayê rejîma Îranê bi tewawî ji aliyê rejîma Îranê ve têne dabinkirin, bi awayekî bi pere bo rejîma Îranê kar dikin û di hember de biryarên rejîma Îranê heta astekî di Îraqê de cî bi cî dikin.