Kurdistanmedia

Şemî 22 Şibat 2020
Malpera Navendî a Partiya Demokrat Kurdistana Îranê

Part û aliyên siyasi ên Kurd li Bakura Kurdistanê 2yê Rêbendanê pîrozkirin

18:14 - 22 Kanûna Paşîn 2020

Partiyên Siyasî ên Bakura Kurdistanê Bi hilkevta 74 emîn salvegera ava kirina Komara Kurdistanê bi cuda daxûyanî belav kirin.

Partiya Sosyalîsta Kurdistanê, PSK ê bi belav kirina daxûyaniyekê yadê damezrandina Komara Kurdistanê pîroz kir û ragihand ku rêbaza Komarê, rêbaza meye.

Partiya Azadiya Kurdistanê, PAK ê jî bi weşandina daxûyaniyekê yadê damezrandina Komara Kurdistanê bilind nirxand û têde amaje bi wesiyetnama Pêşewa Qazî Mihemed Serkomarê Kurdistanê kiriye ku çawan daxwazê ji Kurdan dike bibin yek daku bikarin bigehne mafê xwe.

PAK ê ragihandiye ku Komara Kurdistanê bûye simbol û cihê şanaziya hemi Kurdekê li her çiwar perçên Kurdistanê.

Partîya Maf û Azadîyan , HAKPAR ê jî bi weşandina daxûyaniyekê bi hilkevta 74 saliya yadê Komara Kurdistanê, ragihandiye ku: Em wekî Hakpar qebûl dikin ku Komara Kurdistanê, rûyê pîroz a diroka Kurdistanê ye.

HAKPAR ê li daxûyaniya xwe de bi wî avayî  amajê bi deskevtên komara Kurdistanê dike: Di dema desthilata Komara Kurdistanê de, di warê çand û ziman û huner û edebîyatê de gelek gavên girîng hatin avêtin.