Serkomarê Qezaqistanê “Qasim Comart Toqayêv” hilgirtina tevaw ya îdamkirinê li yasayên cezakirinê wajo kir.

Parlemana Qezaqistanê reşnivîsa hilgirtina cezaya îdamkirinê ji yasayên cezakirin ên wî welatî pesedend kir û Serkomarê Qezaqistanê “Qasim Comart Toqayêv” bi wajokirina wê reşnivîsê, îdamkirin di wî welatî de bi tevawî hilgirt û welatê Qezaqistanê bo tevlîbûna wî welatî bo pêbendbûna navnetewî ya mafê medenî û siyasiyê Saziya Welatên Yekgirtî ew biryar daye.

Yek ji protokolên wê pêbendiya navnetewî hilgirtina tevaw ya hikmê îdamê ye.

Dadgehên Qezaqistanê ji sala 2004an ve hukmê îdamkirinê ragirtibûn û bi tenê kesek dî wî welatî de bi tawana teqe û kuştina bi kom li bajarê “Almatî”yê, bi îdamkirinê hatibû cezadan ku niha hukmê wî bo girtîgeha hetahetayî hatiye guherîn.

Di cîhanê de 108 welatan hukmê îdamkirinê bi tevawî hilgirtine û 28 welatan jî birêvebirina wî hukmî hilveşandine.

Pêka rapora Saziya Lêbihorîna Navnetewî li demsala bihara îsal, tevî daketina %26 cîbicîkirina hukmên îdamê di cihanê de, ew rêje di Îran û Çînê de ti guherînek tine bûye û rejîma Îranê piştî Çînê zêdetirîn rêjeya îdamkirinan li xwe digre û rejîma Îranê sala par aliyê kêm 246 kes îdam kiribûn û sala 2019an de jî ew rêje zêdetir ji 251 kesan bû.