Kurdistanmedia: Rejîma Îranê ji riya 71 malperan ve, zanyariyên saxte di hin welatên cîhanê de belav dike.

Li gorî raporta Nûçegihaniya “routers”ê, karnasên ewlehiya torên civakî û rojnamevanan 71 malperên teblîxî  dane eşkerekirin, ku nûçeyên dûr ji rastiyan û bê bingeh, û teblîxên ku rejîma Îran pesend bike, di 15 welatên cîhanê de belav dike.

Wê nûçegihaniyê di vê derbarê de wiha nivîsiye, ev kiryarên teblîxî  di nav Îranê de tên rêkxistin, û ji aliyê karnansên ewlehiya saybirî ve, kompaniyayên  birêveberên torên civakî û rojnamevanan ve hatine eşkerekirin, û armanca wan jî teblîx li dijî cîhanê û çalakiyên cibha Sêyonîstî û welatên Rojavayê hatiye ragehandin.

Malpera “Nil Online” yek ji van 71 malperan e ku, mijûlî belavkirina nûçe û teblîxên nerast di 15 welatên cîhanê yên wekî,” Misr, Pakistan,  Yemen,  Sûdan û Rûsiyayê de” ye.

“John Brennan” serokê berê yê saziya Ewlehiya Navendî ya Amerîkayê (CIA) ji nûçegihaniya “ routers”ê re daye xuyakirin ku,  welatên cuda yên cîhanê taktîkên wiha bi kar tînin û Îran yek ji wan e.
 

Her di vê pêwendiyê de navbirî got ku, Îran di warê saybirî de çalak e, û hin kesên bihêz di dezgehên zanyarî de hene. 

Di Xermanana sala 2018`an de, du torên civakî yên wekî “Twitter” û “Face Book”ê  hevdem sedan rûpelên girêdayî rejîma Îran û Rûsiyayê bi sebeba “ belavkirina zanyariyên bê bingeh û alozker” vêde dan.

 Rejîma Îranê, bi kiryarên wiha dixwaze bikarhînerên torên civakî bixapîne, û zanyariyên bê bingeh û tebilîxên alozker belav dike.