Xwenîşandanên qatên cuda cuda di Îranê de berdewamin û xwenîşander li ser daxwazên xwe micidin.

Xwenîşandanên nerizayetî di Îranê de roj bi roj  zêdetir û berfirehtir dibin û bi derbasbûna dem û cîbecînebûna daxwazên wan ji aliyê rejîma Îranê ve, ew xwenîşander li ser daxwazên xwe micidtir û pêdegirtir dibin.

Kedkarên kompaniya “Heft Tepe di 18 emîn roja xwenîşandana nirizayetiya xwede, berdewamin û di xiyawanên bajarê “Şûş”ê de xwenîşandana nerizayetiyê lidar xistin û diruşma “bimre Rûhanî” û “Dizî ret be, pirsgirêk dê çareser be” didan.

Werzêrên Erakê, ajotwanên tankerên Avê di bajarê Bûşêhrê, operatorên “Berqa Fişar Qewî” di parêzgehên “Kirmaşan, Sine û Îlam”ê, kedkarên “cihên kesk a Karûn” ê, kedkarên bajêrwaniya Bêhbehanê , peresdarên bajarê Meşhedê, kombûn û xwenîşandanên nerizayetiyê  lidar xistin

Di bajarê Meşhedê de hêzên rejîma Îranê êrîşî ser wan peresdaran kirin û piştî kutan û lêdana wan, hindek ji wan binçavkiribûn ku pişti demekê ew berdabûn.

Paşketina heqdestan, dizî û gendeliya Îdarî û berçaw negirtina xwestên wan ji aliyê rejîmê ve janeke hertimî ya kedkar û karkerane.